கெழுத்தி மீன் குழம்பு

கெழுத்தி மீன் குழம்பு

தேவையான பொருட்கள்:

கெழுத்தி மீன் - 1 கிலோ
நல்லெண்ணெய் -1 குழி கரண்டி
சோம்பு - 1 tbl.spoon
மிளகு - 1/2 tbl.spoon
சீரகம் - 1 tbl.spoon
வெந்தயம் - 1/2 tbl.spoon
மிளகாய் தூள் - 11/2 tbl.spoon
தனியா தூள் - 2 tbl.spoon
பூண்டு -10 பல்
வெங்காயம் - 1
தக்காளி -2
புளி - எலுமிச்சை அளவு
பச்சை மிளகாய் - 2
கொத்தமல்லி இழை - சிறிதளவு

தேங்காய் விழுது - 11/tbl.spoon


தாளிக்க:
வெந்தயம் - 1 t.spoon
சீரகம் - 1 t.spoon
கறிவேப்பிலை - 1 கொத்து


செய்முறை:
மீனை நன்கு கழுவி சுத்தம் செய்து கொள்ளவும்.மண் சட்டியை அடுப்பில் வைத்து எண்ணெய் ஊற்றவும். எண்ணெய் காய்ந்ததும் வெந்தயம்,சீரகம் மற்றும் கறிவேப்பிலை போட்டு தாளிக்கவும், பிறகுவெங்காயம், பூண்டு போட்டு நன்கு வதக்கவும், அதனுடன்தக்காளி மற்றும் பச்சை மிளகாய் சேர்க்கவும்.
பின்னர் மிளகு, சீரகம்,சோம்பு, வெந்தயம், மிளகாய் தூள் மற்றும் தனியா தூள் ஆகியவற்றை சேர்த்து சிறிது தண்ணீர் சேர்த்து அரைத்து கொள்ளவும். அரைத்த விழுதை ஊற்றி தேவையான அளவு புளி கரைசலை சேர்த்து கொதிக்க விடவும் பின்னர் தேங்காய்விழுதுசேர்த்து ஒரு கொதி வந்த பிறகு மீனை சேர்த்து ஐந்து நிமிடம் வரை கொதிக்க விட்டு கடைசியாக மல்லி இழையை  தூவவும். சுவையான கெழுத்தி மீன் குழம்பு தயார்.

குறிப்பு;
தேங்காய் விழுது விருப்பமில்லையெனில் சேர்க்க தேவை இல்லை.
மண் சட்டியில் குழம்பு வைத்தால் சுவை கூடும்.ஆரோக்யமும் அதிகம்,அதற்காக அனைவரும் மண் சட்டியை உபயோகிக்க முடியாது.
அனைத்து வகையான மீன்களிலும் இதே முறையில் குழம்பு செய்யலாம்.

Craft and Painting

Glass Texture Art

Reverse Glass Painting

Paper Quilling Art

Enopra Painting

Mirror Painting

Anchor Thread Work

Glass Colour  Aquarium Painting

Stone  Colour  Painting

POP And Spray Work

Love Birds Clay Work

Flower Stand

Oil Painting

Stain Glass Painting

Letter Holder

Kalasam Work

Bamboo    Bonsai  Miniature

Gem Stone Painting

Ceramic Work Photo Stand

Candle Stand

Nava Dhaniya Vinayakar

Bugs Bunny Glass Painting

Dove And Nest Clay Work

Pot – Clay Work

Foil Work Pot Painting

Antique Pot Mural Work

Krishna And Radha

Aluminium Emboss Work

Aluminium Foil Pot Work

Bear Clay Art

பேபி கார்ன் சப்ஜி

தேவையான பொருட்கள்:

பேபி கார்ன் - 1கப்

வெங்காயம் - 2

தக்காளி - 3

மல்லி தூள் - 1 tbl.spoon

கசகசா - 11/2 t.spoon

காய்ந்த மிளகாய் - 6

இஞ்சி - 1 துண்டு

பூண்டு - 3 பல்

பட்டை - 2 துண்டு

லவங்கம் - 4

சீரகம் - 1t.spoon

குடை மிளகாய் - 3/4 கப்

கசூரி மேத்தி - 1/2 t.spoon

பிரவுன் சுகர் - சிறிது

எண்ணெய் - 2 tbl.spoon

மல்லி இழை - சிறிது

செய்முறை:

முதலில் வெங்காயம்,காய்ந்த மிளகாய், இஞ்சி, பூண்டு, கசகசா, மல்லி தூள், பட்டை மற்றும் லவங்கம் ஆகியவற்றை சேர்த்து அரைத்து கொள்ளவும். தக்காளியை தனியாக அரைத்து கொள்ளவும். வாணலியில்

எண்ணெய் ஊற்றி சீரகம் போட்டு, சிறிதளவு சர்க்கரை சேர்த்து அரைத்த மசாலா விழுது சேர்த்து பச்சை வாசனை போகும் வரை நன்கு வதக்கவும், பிறகு பேபி கார்ன், குடைமிளகாய் சேர்த்து வேக வைக்கவும் அடுத்து தக்காளி விழுதை ஊற்றி உப்பு சேர்த்து நன்கு கொதிக்க விடவும்.கடைசியாக கசூரி மேத்தி மற்றும் மல்லி இழை சேர்க்கவும்.

இந்த பேபிகார்ன் சப்ஜி சப்பாத்தி,நான்,புல்கா ரொட்டிக்கு ஏற்ற சுவையான சைட்டிஷ்.

வாழைக்காய் வறுவல்

வாழைக்காய் வறுவல்

தேவையான பொருட்கள்:
வாழைக்காய் - 3
இஞ்சி,பூண்டு விழுது - 1 tbl.spoon
கடுகு - 1/2 t.spoon
சீரகம் - 1/4 t.spoon
சோம்பு - 1/4 t.spoon
கறிவேப்பிலை - சிறிதளவு
மிளகாய் தூள் - 1 t.spoon
மல்லி தூள் - 1 t.spoon
மஞ்சள் தூள் - 1/4 t.spoon
உப்பு - தேவைகேற்ப
எண்ணெய் - 1-1/2 tbl.spoon

செய்முறை:
முதலில் வாழைக்காயை வேக வைத்துக்கொள்ளவும், பிறகு வாழைக்காயை தோலுரித்து வட்டமாக அறுத்து அதில் மஞ்சள் தூள் ,மிளகாய் தூள் ,மல்லி தூள் மற்றும் உப்பு போட்டு பிசறி வைத்துக்கொள்ளவும். அடுத்து வாணலியில் எண்ணெய் ஊற்றி கடுகு,சீரகம்,சோம்பு மற்றும் கறிவேப்பிலை போட்டு தாளித்து இஞ்சி,பூண்டு விழுதையும் சேர்த்து பச்சை வாசனை போகும் வரை வதக்கி அதில் வாழைக்காயை சேர்த்து சிறிது தண்ணீர் தெளித்து நன்கு வறுத்தெடுக்கவும்.

ஆப்பம் - தேங்காய் பால்

ஆப்பம் - தேங்காய் பால் 

தேவையான பொருட்கள்:

புழுங்கல் அரிசி - 1 கப்

பச்சரிசி - 1 கப்

உளுந்து - 1/4 கப்

வெந்தயம் - 1 tbl.spoon

ஜவ்வரிசி - 1 கைப்பிடி

தேங்காய் - 1

சர்க்கரை - தேவையான அளவு

ஏலக்காய் தூள் - சிறிதளவு

செய்முறை:

புழுங்கல் அரிசி , பச்சரிசி , உளுந்து மற்றும் வெந்தயம் சேர்த்து இரண்டு மணி நேரம் ஊற வைக்கவும்.ஜவ்வரிசியை தனியாக ஊற வைத்து கொள்ளவும் .

பிறகு அனைத்து பொருட்களையும் சேர்த்து அரைத்து 7-8 மணி நேரம் மாவை புளிக்க வைத்து பிறகு ஆப்ப சட்டியில் ஆப்பம் வார்க்கவும் .

தேங்காயை நன்கு துருவி மிக்சியில் போட்டு தேவையான அளவு வெந்நீர் ஊற்றி அரைத்து பால் பிழிந்து சர்க்கரை , ஏலக்காய் தூள் சேர்க்கவும்.

சாம்பார் இட்லி

சாம்பார் இட்லி

தேவையான பொருட்கள்:

இட்லி மாவு - 2 கப்

மசூர் பருப்பு - 1/2 கப்

பரங்கிக்காய் - சிறிய துண்டு

சின்ன வெங்காயம் - 12

தக்காளி - 1

மஞ்சள் தூள் - 1/4 t.spoon

பெருங்காயம் - 1/4 t.spoon

புளி - சிறிய உருண்டை

கறிவேப்பிலை -சிறிதளவு

மல்லித்தழை - சிறிதளவு

நெய் - 2 t.spoon

வறுத்து பொடிக்க:

காய்ந்த மிளகாய் - 6

தனியா - 1 t.spoon

கடலை பருப்பு - 1 t.spoon

சீரகம் - 1/2 t.spoon

வெந்தயம் - 1/2 t.spoon

தேங்காய் - 1 t.spoon

கறிவேப்பிலை - சிறிதளவு

எண்ணெய் - 3 t.spoon

தாளிக்க:

கடுகு - 1/2 t.spoon

உளுத்தம் பருப்பு - 1 t.spoon

எண்ணெய் - 1 tbl.spoon

செய்முறை:

பருப்பு,மஞ்சள் தூள் மற்றும் பரங்கிக்காய் சேர்த்து நன்கு வேக வைத்து கொள்ளவும். வாணலியில் எண்ணெய் ஊற்றி தாளிக்க வேண்டிய பொருட்களை தாளித்து அதனுடன் வெங்காயம்,தக்காளி சேர்த்து வதக்கவும். பிறகு புளி தண்ணீரை ஊற்றி கறிவேப்பிலை,பெருங்காயம் சேர்த்து பச்சை வாசனை போக கொதிக்க விட்டு , வேக வைத்த பருப்பு , அரைத்த பொடி , தேவையான அளவு உப்பு , தண்ணீர் சேர்த்து ஐந்து நிமிடம் கொதிக்க விட்டு இறக்கி விடவும்.

இட்லி மாவை கொண்டு  சிறு ,சிறு இட்லிகளாக ஊற்றிக் கொள்ளவும்.

பரிமாறும் கிண்ணங்களில் இட்லிகளை போட்டு அதன் மேல் சாம்பாரை ஊற்றி , மல்லித்தழை தூவி , நெய்விட்டுப் பரிமாறுங்கள்.

கத்தரிக்காய் கார குழம்பு

கத்தரிக்காய் கார குழம்பு

தேவையான பொருட்கள் :
கத்தரிக்காய் - 6
மஞ்சள் தூள் - 1/2 t.spoon
உப்பு - தேவையான அளவு
வெந்தயம் - 1 t.spoon
சீரகம் - 1 t.spoon
நல்லெண்ணெய் - 2 tbl.spoon
கறிவேப்பிலை - சிறிதளவு
புளி - எலுமிச்சை அளவு

அரைக்க வேண்டிய பொருட்கள் :
சின்ன வெங்காயம் - 20
பூண்டு - 15 பல்
தேங்காய் துருவியது - 1/2 கப்
பொட்டு கடலை - 1 tbl.spoon
மிளகாய் தூள் -1 tbl.spoon
மல்லி தூள் -2 tbl.spoon


செய்முறை:
வாணலியில் எண்ணெய் விட்டு சீரகம்,வெந்தயம் மற்றும் கறிவேப்பிலை போட்டு தாளித்து கொள்ளவும். முழு கத்தரிக்காயை நடுவில் நான்காக வெட்டி
அதனை எண்ணெய்யில் நன்றாக வதக்கி கொள்ளவும், அரைத்த விழுதை வாணலியில் ஊற்றி சிறிது தண்ணீர் சேர்த்து பச்சை வாசனை போகும் வரை கொதிக்க விடவும். கடைசியாக புளி கரைசலை ஊற்றி தேவையான அளவு உப்பு போட்டு ஐந்து நிமிடம் கொதித்த பிறகு இறக்கி விடவும்.

முருங்கைக்காய் மசாலா குழம்பு

முருங்கைக்காய் மசாலா குழம்பு

தேவையான பொருட்கள் :

முருங்கைக்காய் - 3

உருளைக்கிழங்கு - 2

பெரிய வெங்காயம் - 1

தக்காளி - 1

மஞ்சள் தூள் - 1/2 tspoon

மிளகாய் தூள் - 1 tbl.spoon

உப்பு - தேவைகேற்ப

அரைக்க வேண்டிய பொருட்கள் :

தேங்காய் துருவல் - 1/4 கப்

பொட்டு கடலை  -  1 tbl.spoon

பட்டை - 2

கிராம்பு  - 2

சோம்பு  -1 tspoon

கசகசா - 1 tspoon

தாளிக்க தேவையான பொருட்கள்  :

எண்ணெய் - 2 tbl.spoon

கறிவேப்பிலை - சிறிதளவு

கடுகு - 1 tspoon

செய்முறை :

வாணலியில் எண்ணெய் ஊற்றி கடுகு மற்றும் கறிவேப்பிலையை தாளித்து கொள்ளவும்,பிறகு அரிந்து வைத்துள்ள  வெங்காயத்தை போட்டு வதக்கவும் , அடுத்து தக்காளியை போட்டு நன்கு வதக்கிய பிறகு காய்கறிகளை சேர்த்து வதக்கவும். அதன் பின்னர் மஞ்சள் தூள் ,மிளகாய் தூள் ,உப்பு சேர்த்து சிறிதளவு தண்ணீர் விட்டு ஒரு கொதி வந்தவுடன்,அரைத்து வைத்துள்ள தேங்காய் விழுதை சேர்த்து பச்சை வாசனை போகும் வரை குழம்பை கொதிக்க வைத்து இறக்கி விடவும்...

சுவையான முருங்கைக்காய் மசாலா குழம்பு தயார்...